I Muvrini: ''Diteli''

I Muvrini: ''Diteli''
"Le Forest National", Brussel,
10 di dicembre di 2005.

DITELI

à issi zitelli à pena nati
chì à u mondu venenu à pichjà
nantu à i sogni innamurati
chì a vita face trizinà

à issi figlioli inzuccherati
chì ùn anu à core ch'è d'amà
vo li vulete leghje o scrive
e prime rive di l'andà
diteli
diteli
diteli chì u mondu hè scemu
a guerra hè solu pè ghjucà
s'elle s'allonganu e schjere
hè chì ci hè festa pè quallà

isse case bianche incrucittate
ch'ellu si vede sbucinà
sò paisoli pè l'estate
duve no andemu à prufittà
diteli
diteli

è un altru ghjornu
un altru ghjornu si pò dà
un altru ghjornu
un altru ghjornu a verità
un altru ghjornu
li dicerete a verità
un altru ghjornu
un altru ghjornu

GHJUVAN FRANCESCU BERNARDINI